Ўзбек экологлари Атроф муҳит бўйича Марказий-Осиё етакчилик дастурида иштирок этишмоқда
Тошкент. 26 сентябр. ЎзТАГ – Ўзбекистон Табиатни муҳофаза қилиш давлат қўмитаси мутахассислари Алматида бўлиб ўтаётган Атроф муҳитнинг барқарор ривожланиши бўйича Марказий-Осиё етакчилик дастурида иштирок этишмоқда, деб хабар беради Ўзбек телеграф агентлиги (ЎзТАГ).
Қўмита маълумотларига кўра, 19-27 сентябрда бўлиб ўтувчи дастур еттинчи марта ўтказилмоқда. У Марказий-Осиё Минтақавий экологик маркази томонидан ЮНЕП, Норвегия ҳукумати, ОБСЕнинг Астанадаги идораси, USAID ва Европа Иттифоқи кўмагида ташкил этилган.
Жорий йилда ўқиш дастури ЕИ “Марказий-Осиёда сув масалалари ва энергетика билан боғлиқ низоларни бартараф қилиш” ва USAID томонидан молиялаштирилаётган “Сув, таълим ва ҳамкорлик” лойиҳалари мақсадларига мос келади.
Қўшимча қиламизки, 21-27 сентябрда ушбу дастурлар доирасида Марказий-Осиё ташқи ишлар вазирликлари ва парламенти аъзолари учун иккинчи ўқиш модули бўлиб ўтади.
