Ўзбек электр ускуналар созловчиси дивиденд тўлашга 114,5 млн сўм ажратди

Тошкент. 12 июн. ЎзТАГ – “Электрогаз” (Тошкент) очиқ акционерлик жамияти дивидендлар тўлашга 114,5 млн сўм ($49,7 минг) ажратади, дея хабар беради Ўзбек телеграф агентлиги (ЎзТАГ).
Компания акциядорларининг яқинда бўлиб ўтган умумий йиғилишида ана шундай қарор қабул қилинди.
Ҳар бир исми кўрсатилган оддий акцияга (57,266 минг дона ) компания томонидан 2 минг сўмдан ёки номиналига 19,2% даромад тўлаб берилади.
Дивидендлар тўлаш 2014 йилнинг 21 июлида бошланиб 1 августида якунланади.
Эслатиб ўтамизки, “Электрогаз” ОАЖ “Ўзбекнефтегаз” Миллий холдинг компанияси таркибига кирувчи корхонадир. Компания электр ускуналарни созлаш ва таъмир қилиш билан шуғулланади.