Ўзбек электротехник компанияси акционерлик капитали миқдорини 242,155 млрд сўмга оширади

Тошкент. 22 октябр. ЎзТАГ – “Ўзэлтехсаноат” акционерлик компанияси умумий қиймати 242,155 млрд сўмлик акциялар чиқаради, дея хабар беради Ўзбек телеграф агентлиги (ЎзТАГ).

Ушбу қарор компаниянинг ягона акционери – Хусусийлаштириш, монополиядан чиқариш ва рақобатни ривожлантириш давлат қўмитаси томонидан чиқарилди.

Эмиссия Қимматли қоғозлар бозорини мувофиқлаштириш ва ривожлантириш маркази томонидан рўйхатга олинган.

Жами ҳар бирининг номинал қиймати 1 минг сўм бўлган 242,155 млн дона номи кўрсатилган хужжатсиз акциялар чиқарилади.

Эслатиб ўтамизки, “Ўзэлтехсаноат” АЖ асосини 1994 йилда “Радиоэлектронтехприбор” Радиоэлектрон, электротехник ва асбобсозлик давлат концерни ташкил қилади.

Компания электротехника соҳасида ягона давлат сиёсатини юритади ҳамда Ўзбекистондаги электротехника корхоналари ишлаб чиқариш ва маркетинг фаолиятини мувофиқлаштириш ваколатларига эга.

$1 = 2379,75 сўм