Ўзбек енгил атлетикачи икки турнирда иштирок этди
Дата: 15:42, 16-02-2016.
Тошкент. 16 феврал. ЎзТАГ – Ўзбекистон термаси аъзоси, халқаро тоифадаги спорт устаси Надия Дўсанова (баландликка сакраш) Чехиянинг Густопече шаҳридаги халқаро турнирда иштирок этди, деб хабар беради Ўзбек телеграф агентлиги (ЎзТАГ).
Ўзбекистон Енгил атлетика федерациясидан хабар беришларича, Дўсанова баландликка сакрашда 184 см натижа кўрсатиб, еттинчи ўринни эгаллади.
Эслатиб ўтамизки, бундан олдинроқ Надия Дўсанова Обонн шаҳридаги (Франция) "Meeting Elite en salle d'Eaubonne-2016” халқаро турнирида кумуш медал совриндори бўлган эди.
Бу ерда 19 ёшли ўзбек спортчи қиз 187 см натижа кўрсатган.
