Ўзбек енгил атлетикачилари Таиландда 7 совринни қўлга киритдилар

Тошкент. 11 сентябр. ЎзТАГ – Ўзбек енгил атлетикачилари Таиланднинг Очиқ чемпионатида 7 совринни қўлга киритдилар, деб хабар беради Ўзбек телеграф агентлиги (ЎзТАГ).

Ўзбекистон Енгил атлетика федерациясидан хабар қилишларича, чемпионатнинг сўнгги кунида баландликка сакрашда Тимур Раҳматуллаев 2 м. 13 см. натижа билан олтин медалга сазовор бўлди ва спорт устаси талабини ҳам бажарди.

Шу кунни ўзида уч ҳатлаб сакраш бўйича бўлиб ўтган мусобақаларда иккинчи ўринни ўзбекистонлик Иван Денисов 15 м. 71 см. кўрсаткич билан олди (кумуш медаль), Андрей Резниченко эса 15 м. 67 см. натижа билан бронза медали соҳиби бўлди.

Мусобақалаорнинг учинчи кунида ўзбек спортчилари яна қатор совинларни олдилар. Баландликка сакрашда аёлларда Александра Юркевская 1,75 м. натижа билан ғолиб чиқди. Иккинчи ўринни Сафина Садуллаева (1,65 м) эгаллади.

Эркаклар ўртасида ядро улоқтиришда Сергей Дементьев 18,63 м. натижа билан чемпион бўлди. 200 мга югуришда Диана Аглиулина 24,29 сек. Натижа билан иккинчини олди.