Ўзбек енгил атлетикачиси Марина Хмелевская марафонда 2016 йилги Олимпиада йўлланмасини олди

Тошкент. 30 сентябр. ЎзТАГ – Енгил атлетика бўйича Ўзбекистон термаси аъзоси Марина Хмелевская Берлиндаги (Германия) 42- ҳар йиллик марафонда Рио-де-Жанейрода ўтказиладиган 2016 йилги Олимпиада ўйинлари меъёрини бажарди, деб хабар беради Ўзбек телеграф агентлиги (ЎзТАГ).

МОҚ хабар қилишларича, ИААФ тоифасидаги Олтин даражасидаги Берлин марафони бу йилда ўзбек спортчилари қатнашган уч асосий марафонлардан биридир.

Марина Хмелевская 2.38.36 натижа кўрсатиб, финишга 26 бўлиб етиб келди ва олимпиа меъёрини бажарди.

Ушбу пойгада кениялик спортчи Гладис Чероно 2:19.25 натижа билан ғолиб бўлди. Бу натижа ўтган мавсум ғолиби Маре Дибабининг (Эфиопия) натижасидан 27 секундга яхши.

Эркакларда Элиуд Кипчо ушбу мавсумдаги дунёда энг яхши натижа (2:04.00) билан ғолиб чиқди. У бундан илагриги натижани 42 секундга яхшилади. Ўзбекистон термаси аъзоси Андрей Петров 2:23:24 натижа билан 61-ўринни эгаллади.

42-марафонда жами жаҳоннинг 131 мамлакатидан 41 минг спортчи қатнашди.