Ўзбек эшкакчилари Миланда олтин медални қўлга киритдилар
Дата: 15:15, 06-05-2014.
Тошкент. 6 май. ЎзТАГ – Ўзбек эшкакчилари Миланда бўлиб ўтган байдарка ва каноэда эшкак эшиш бўйича жаҳон кубогининг биринчи босқичида иштирок этдилар, деб хабар беради “Вкурсе.uz” портали.
2-4 май кунлари бўлиб ўтган мусобақалар натижасида ўзбекистонлик спортчилар битта олтин ва бир бронза медални қўлга киритдилар.
Мусобақаларда жами 40 давлатдан келган спортчилар қатнашди. Каноэда 500 метрга жуфт бўлиб эшкак эшишда финиш чизиғини биринчи бўлиб ўзбекистонлик спортчи қизлар Юлия Цой ва Екатерина Зарковалар кесиб ўтишди. Шунингдек, Юлия Цой 200 метрга эшкак эшишда учинчи ўринни эгаллади.
Жаҳон кубогининг иккинчи босқичи 15-18 майда Чехияда бўлиб ўтади. Ушбу мусобақаларда 8 спортчи Ўзбекистон тарафини ҳимоя қилади, деб ёзади портал.
