Ўзбек фигурали учиш устасига Шанхай Гран-присида учинчи ўринни олиш учун атига 7,46 балл етмади

Тошкент. 10 ноябр. ЎзТАГ – Ўзбек фигурали учиш устаси Миша Ге Шаганхай Гран-приси серияси учинчи босқичида якка чиқишларда учинчи ўринни олиш учун атига 7,46 балл етмади, дея хабар беради Ўзбек телеграф агентлиги (ЎзТАГ).

Учинчи ўринни олган америкалик Ричард Дорнбушдан (226,73 балл) уни (Ге – 219, 28 балл) атига 7,45 балл ажратиб қолди. Бундан ташқари, Мишани канадалик фигурали учувчи Нам Нгуен ҳам ўзиб кетди (221,85 балл).

Биринчи ўрин россиялик Максим Ковтунга насиб қилди (243,34 балл). Эсингизда бўлса, ушбу муз устида учиш устаси Евгений Плющенко билан Сочидаги Қишги олимпиадада қатнашиш учун баҳслашиб, Россия Спорт вазирлигининг махсус қарори билан ундан мағлубиятга учраган эди.

Иккинчи ўринни япониялик Юзуру Ханю (237,55 балл) олди. Ушбу фигурачи Сочидаги Олимпиадани эркаклар ўртасида якка чиқишларда ютган эди. Юзуру ушбу Гран-прида қисқа дастурдан кейин 2-ўринни эгаллаб турган ҳолда машқ чоғида хитойлик фигурачи Янь Хан билан тўқнашиб кетиб, бошидан қаттиқ жароҳат олди. Шунга қарамай, эркин дастурда япон муз устида учиш устаси бир неча марта йиқилиб тушган бўлса-да, иккинчи ўринни сақлаб қолди.