Ўзбек гази Беларусга экспорт қилиниши мумкин
Тошкент. 22 июл. ЎзТАГ – Ўзбек гази Беларусга экспорт қилиниши мумкин. Бу ҳақида “Белтопгаз” бош директори Леонид Рудинский Минскдаги матбуот анжуманида баён қилди, деб хабар беради Ўзбек телеграф агентлиги (ЎзТАГ).
“Биз газни Қозоғистон ва Ўзбекистондан сотиб олишга тайёрмиз, у ерда газ Россиядагидан анча арзон. Агар ягона бозор бўладиган бўлса сотиб оласан ва ҳеч қандай муаммо бўлмайди. Шунда Газпром фақат газни ташиш бўйича монополист бўлади”, - деб иқтибос келтиради Sputnik Рудинскийнинг сўзларидан.
Унинг сўзларига кўра, ҳозирда Газпром унинг газтранспорт тизими орқали ташилаётган газнинг фақат 30-40% қазиб олади. МДҲ ҳудудида россия холдингидан ташқари мустақил қазиб олувчилар етарли”, - деб қўшимча қилди Рудинский.
Беларусь ва россия томони газ баҳосига доир музокаралар олиб бормоқда. Айни пайтда БР ва РФ президентларининг топшириқларига мувофиқ бу масала хўжалик субъектлари даражасида кўриб чиқилмоқда.
Олдинроқ россия ОАВ Минск Москвага тез орада газ учун қарзни узишга тайёрлигини хабар қилган эди. Аммо беларус томони газнинг мавжуд баҳосида уни ташиш ҳақлари 1 минг кубометрга $65,5гача туширилишини, шунингдек, Газпромнинг газни сотиш ва уни сақлаш харажатлари ҳисобга олинмаслигини талаб қилмоқда.
Яқинда РФ энергетика вазири Александр Новак Беларуснинг россия гази бўйича қарзи $270 млнга етганини маълум қилди. Минск қарзни тан олмаяпти ва мавжуд 1 минг кубометрга $132,77га тенг бўлган нарх адолатли эмас деб ҳисобламоқда. Россия томони келишмовчиликларни ҳал қилингунча газ учун шартнома баҳосида ҳақ тўланиши зарур деган қарашда қолмоқда.
