Ўзбек ихтирочилари пахтани тозалашни яхшилаш учун қурилма таклиф қилдилар
Дата: 15:59, 05-11-2015.
Тошкент. 5 ноябр. ЎзТАГ – Тошкент тўқимачилик ва енгил саноат институти ходимлари аррали жиннинг толани пастдан ечиб олиш қурилмасини яратдилар, деб хабар беради Ўзбек телеграф агентлиги (ЎзТАГ).
Интеллектуал мулк агентлигидан маълум қилишларича, мазкур модел пахта тозалаш саноатида фойдаланиш учун мўлжалланган.
Янги ихтиронинг асосий вазифаси дам берилаётган ҳаво тезлигини (босимини) пасайтириш ва аррали жин цилиндри тишларидан толани ечиб олиш самарадорлигини оширишдан иборат.
