Ўзбек ишлаб чиқарувчилари латиш бозоридаги улушларини кенгайтириш ниятидалар
Тошкент. 4 май. ЎзТАГ – 16 майда Латвия пойтахти Ригада ўзбек ишлаб чиқарувчиларининг бизнес-семинар ва кўргазмаси бўлиб ўтади, деб хабар беради Ўзбек телеграф агентлиги (ЎзТАГ).
ССП маълумотларига кўра, у Ўзбекистон Олий Мажлис Сенати раиси Н.Йўлдошев бошлиқ парламент делегациясининг Латвияга ташрифи доирасида бўлиб ўтади.
Кўргазмада озиқ-овқат, текстиль, вино-арақ, чарм-пойафзал, электротехника тармоқлари ва қурилиш материаллари ишлар чиқариш соҳалари корхоналари қатнашадилар.
Ўзбек компаниялари маҳсулотларини салоҳиятли харидорларга намойиш қилиш, Латвия улгуржи ва чакана ширкатлари билан алоқалар ўрнатиш, экспорт шартномалари тузиш ва маҳсулотларни ушбу мамлакат ва Болтиқбўйи давлатларига етказиб бериш шартларини муҳокама қилиш имкониятига эга бўладилар.
