Ўзбек кашфиётчилари зилзилаларни олдиндан тахмин қилиш аниқлигини оширувчи қурилмани ишлаб чиқишди

Тошкент. 12 июн. ЎзТАГ - Ўзбек кашфиётчилари зилзилаларни олдиндан тахмин қилиш аниқлигини оширувчи қурилмани ишлаб чиқишди, дея хабар беради Ўзбек телеграф агентлиги (ЎзТАГ).
Кашфиёт ҳақидаги маълумот Ўзбекистон Республикаси Интеллектуал мулк агентлиги сайтида жойлаштирилган.
Хусусан, Ўзбекистон Фанлар академияси С. Азимов номидаги “Физика-Қуёш” илмий ишлаб-чиқариш бирлашмаси Физика-техника институти олимлари томонидан ҳаводаги радоннинг хажмий фаоллигини ўлчаш учун қурилма ихтиро қилинди.
Ушбу ихтиродан ядро физикаси ва техника, атроф-муҳитнинг радиофаоллигини экспресс-назорат қилиш, хусусан, ҳаводан радон фаоллигини ўлчаш ва ер силкинишларини қисқа муддатли айтиб бериш учун қурилмалар яратишда фойдаланиш мумкин, дейилади агентлик хабарида.
Қурилма нур тарқатиш детектори, ҳавони киритиш-чиқариш учун патрубкалар ва электрон рўйхатга олувчи блок билан таъминланган бўлиб, натижада ҳаводаги радон фаоллигини экспресс-назорат қилиш осонлашади, бу жараённинг аниқлиги, тезлиги ва хавфсизлиги юқори даражада таъминланади, энергия тежалишига эришилади.
Ихтирога патент ҳам олинди.