Ўзбек хонандаси Нилуфар Усмонованинг Dunyo клипи Vevo видеоканалида қўйилмоқда
Тошкент. 4 июн. ЎзТАГ – Ўзбек хонандаси Нилуфар Усмонованинг Dunyo клипи Vevo видеоканалида қўйилмоқда, деб хабар беради Ўзбек телеграф агентлиги (ЎзТАГ) хонанданинг Фейсбук-саҳифасидаги маълумотга асосланган ҳолда
“Dunyo клипини youtubeдаги #vevo каналида кўриш мумкинлигини мамнуният билан хабар қиламан. Клипни биринчи бўлиб кўрган #nilufarusmonova танлови ғолибларининг фикрларини мароқ билан эшитдим. Изоҳларингизни кутиб қоламан. Ҳар бир сўз ва танқид мен учун жуда муҳим. Мароқ билан кўринг, - деб ёзади хонанда.
Маълумот ўрнида, Нилуфар Усмонова – ўзбек хонанда ва актрисаси. Якка ижро билан шуғулланади. 1987 йилнинг 6 апрелида Тошкентда Иброҳим Ҳакимов ва таниқли ўзбек эстрада хонадаси Юлдуз Усмановаларнинг оиласида туғилган.
Vevo – мусиқа видеосайти бўлиб, Sony Music Entertainment, Universal Music Group, Abu Dhabi Media, EMI и PHIL production мусиқа корпорациялари томонидан биргаликда ташкил этилган. Видеохизмат 2009 йилнинг 8 декабридан бошлаб расман ишламоқда.
