Ўзбек хонандаси “Турквидение-2014” танловида 7-ўринни олди
Дата: 12:06, 24-11-2014.
Тошкент. 24 ноябр. ЎзТАГ – Қозонда иккинчи марта ўтказилган “Турквидение-2014” қўшиқ танлови ниҳоясига етди. Унда 25 турли ҳудуд ва мамлакатлар вакиллари иштирок этдилар, дея хабар беради Ўзбек телеграф агентлиги (ЎзТАГ).
“Ўзбекистонлик хонанда Азиза Низомова финал босқичда тўртинчи бўлиб “Dunyo bolsin omon” қўшиғи билан чиқди ва 183 балл йиғиб еттинчи ўринни эгаллади”, – дейилади конкурс ташкилий қўмитаси хабарида.
Танловда эса Қозоғистон вакиласи Жанар Дугалова “Уларнинг изларини кўрмоқдаман” қўшиғи билан ғолиб бўлди.
