Ўзбек компанияси мобил реклама хизматини ишлаб чиқди
Тошкент. 28 август. ЎзТАГ – “Voice Interactive”ўзбек компанияси мутахассиси Тимур Абдувалиев томонидан “EW AdTarget” мобил реклама хизмати ишлаб чиқилди, деб хабар қилади Ўзбек телеграф агентлиги (ЎзТАГ).
Интеллектуал мулк агентлигидан хабар қилишларича, дастур реклама контентини мобил реклама оператори хизматининг обуначилари ўртасида манзилли тарқатиш учун мўлжалланган.
Мобил реклама хизмати реклама берувчига белгиланган шартларга (таргетингга) жавоб берадиган ўз реклама контентини белгиланган ҳажмда ва белгиланган вақтда обуначига етказиб беришни ташкил этиш имконини беради.
Шунингдек, хизмат реклама контентини обуначиларнинг муттасил янгиланиб ва тўлдирилиб турадиган ҳамда доим ишчи ҳолатда қўллаб-қувватлаб туриладиган шахсий структураланган базаси бўйича элтиб бериш имконини беради.
