Ўзбек корхоналари 152,4 млн киловатт/соат электроэнергия ва 42,6 млн кубометр табиий газни тежаб қолишди
Тошкент. 11 октябр. ЎзТАГ – 2016 йилда Ўзбекистонда саноат корхоналарининг энергосамарадорлигини ошириш бўйича 30дан ортиқ лойиҳалар амалга оширилди. Натижада корхоналари 152,4 млн киловатт/соат электроэнергия ва 42,6 млн кубометр табиий газни тежаб қолинди, деб хабар беради Ўзбек телеграф агентлиги (ЎзТАГ).
Ушбу маълумотлар Олий Мажлис Қонунчилик палатасининг энергия самарадорлиги ва тежамкорлигига бағишланган семинарда келтирилди.
2018 йилгача ҳаётга татбиқ этиладиган ушбу лойиҳалар 547 миллион киловатт соатдан ортиқ электр энергияси ҳамда 214 миллион куб метр табиий газни тежаш имконини бериши кутилмоқда.
Ҳукуматнинг 2016 йилга мўлжалланган иқтисодий дастурнинг энг муҳим устувор йўналишларида саноатни жадал ривожлантириш ва ялпи ички маҳсулотда унинг улушини 2030 йилга бориб 2015 йилдаги 33,5 %дан 40%га етказиш, энергияни тежайдиган замонавий технологияларни кенг жорий этиш эвазига ялпи ички маҳсулот учун сарфланадиган энергия ҳажмини тахминан 2 баробарга қисқартириш вазифалари белгиланган.
