Ўзбек куч тизимлари бир нечта йирик гиёҳванд моддалари сотувчиларни қўлга олди

Тошкент. 4 октябр. ЎзТАГ – Миллий хавфсизлик хизмати (МХХ) тезкор ходимлари Тошкент шаҳри ва Тошкент вилояти ҳудудида қатор наркогуруҳлар ва манъ этилган моддаларни тарқатувчилар фаолиятига чек қўйиш бўйича махсус операциялар ўтказди, деб хабар беради Ўзбек телеграф агентлиги (ЎзТАГ).

Хусусан, бир неча кун илгари яхши ривожланган гиёҳванд моддаларни тарқатиш тармоғини ташкил этган жиноий гуруҳ зарарсизлантирилди. Унинг ташкилотчиларидан бири пойтахтнинг Шайхонтоҳур туманида истиқомат қилувчи 32 ёшли тадбиркор Абдувосил Холматов бўлиб чиқди.

“МХХ тезкор ходимлари А.Холматов ва унинг хусусий таксичилик билан шуғулланувчи шериги 44 ёшли Носир Талипов “Матиз” автомобилида Тошкент вилояти “Қорасув” ЙПХ постида тўхтатдилар. Машинани текшириш жараёнида унинг ҳаво фильтри бўшлиғида иккита ўрам топилди, уларнинг ичидан 516 гр, шунингдек, 105 грамм афюн чиқди”, - дея қайд этилади куч тизими хабарида.

Холматовнинг сўзларига кўра, наркотиклар Абдураҳмон исмли Тожикистон фуқароси томонидан жўнатилган бўлиб, у Бекобод тумани ҳудудидаги яширин жойлар ёрдамида етказиб берилган.

Бошқа бир операцияда МХХ ходимлари Тошкентда гиёҳванд моддаларнинг ноқонуний савдосига алоқадорликда гумон қилинаётган тўрт кишини қўлга олишди.

Олинган маълумотлар асосида колбаса ишлаб чиқариш билан шуғулланувчи 36 ёшли Жамшид Мамадалиев қўлга олинди. Унинг билан бирга истиқомат қилган аёлнинг уйидан 8,5 грамм афюн, шунингдек, марихуана ва $1400 топилди.

Мамадалиевнинг кўрсатмалари асосида МХХ ходимлари унинг илгари судланган 45 ёшли Ҳудоёр Бекматов, 43 ёшли Ботир Алимов ва 45 ёшли Жаҳонгир Абдураҳмоновларни қўлга олдилар. Абдураҳмоновнинг “Каптива” машинасидан сотиш учун тайёрланган 4 грамм миқдоридаги афюн топилди.

Яна бир операция Олмалиқ шаҳрида ўтказилди. Маълумотлар асосида ушланган Тошкент вилоятида яшовчи 55 ёшли Георгий Кимнинг ёнидан 24 грамм марихуана бўлган тўрт гугурт қутиси топилди.

Шунингдек, махсус операциялар давомида 46 ёшли Абдуҳамид Ғофуров 36 грамм марихуана моддасини сотишга уринишда, 58 ёшли Солижон Холматов 15 грамм марихуана моддасини сотишга ҳаракат қилганида ушланди.

Ҳуқуқ-тартибот органлари юқоридаги фактлар юзасидан Жиноят кодексининг тегишли моддаларига бўйича иш қўзғатдилар. Тергов давом этмоқда.