Ўзбек куч тизимлари қишлоқ хўжалик маҳсулотлари контрабандасининг олдини олдилар
Тошкент. 27 июл. ЎзТАГ – Ўзбек куч тизимлари Ўзбекистондан Қирғизистонга қишлоқ хўжалик маҳсулотлари партиясини контрабанда усулида олиб чиқиб кетишнинг олдини олдилар, деб хабар беради Ўзбек телеграф агентлиги (ЎзТАГ) Ўзбекистон Миллий хавфсизлик хизматининг Давлат чегарасини қўриқлаш бўйича қўмитаси (МХХ ДЧҚҚ) хабарига асосланган ҳолда.
“24 июл куни соат 10.40да Сўх туманининг Шарқобод аҳоли пункти атрофида ўзбек чегара наряди томонидан “О 9661 АХ” қирғиз давлат рақамига эга бўлган “HYUNDAI-PORTER” автомашинаси аниқланди. Машина 2 тоннадан ошиқ қуруқ мевалар ортган ҳолда Ўзбекистондан Қирғизистонга йўналаётган эди”, – деб таъкидланади МХХ ДЧҚҚ хабарида.
Чегарачилар автомашина ҳайдовчиси – Қирғизистоннинг Боткент тумани Боткент вилояти Боз-адир аҳоли пунктда истиқомат қилувчи Ғуломжон уулу Давлатбекни ҳам қўлга олдилар (1994 йилда туғилган).
Ушбу факт юзасидан Ўзбекистон ҳуқуқни муҳофаза қилиш органлари томонидан терговгача бўлган тадбирлар ўтказилмоқда.
