Ўзбек куч тизимлари мигрантларни Россияга қулликка етказиб бериш бўйича икки каналга чек қўйдилар
Тошкент. 14 ноябр. ЎзТАГ – Миллий хавфсизлик хизмати Ўзбекистон фуқароларини Россияга қулликка етказиб бериш бўйича икки каналга чек қўйдилар, деб хабар беради Ўзбек телеграф агентлиги (ЎзТАГ) куч тизими брифингига асосланган ҳолда.
“Тезкор ходимлар Ўзбекистон фуқароларини Россия Федерациясига кейинчалик уларни зўравонлик билан ишлатиш мақсадида олиб чиқиб кетишни йўлга қўйган жиноий гуруҳ фаолиятини аниқлади ва тўхтатдилар. Гуруҳ аъзолари - ака-ука Ёдгоровлар ўзбекистонликларни Краснодар вилоятига ёллаш ва юбориш билан шуғулланган. Уларнинг Россия фуқароси бўлган шериги борганларни эксплуатация қилиш билан шуғулланган”, - деб таъкидлашди брифингда МХХ ходимлари.
РФ фуқароси ҳар бир муҳожир учун ака-ука Ёдгоровларга $300 миқдорида пул берган. УЖГнинг ноқонуний ҳаракатлари натижасида Андижон, Сурхондарё, Навоий ва Фарғона вилоятларида истиқомат қилувчилар жабрланишган.
Суднинг қарори билан Сирожиддин ва Зиёвиддин Ёдгоровлар Ўзбекистон Жиноят кодексининг 135-моддаси (Одам савдоси) ва 138 (Озодликдан ноқонуний мажбурий маҳрум қилиш) моддалари бўйича айбдор деб топилиб, навбати билан 9 ва 8 йил муддатга озодликдан маҳрум қилинди.
Бундан ташқари, МХХ материаллари асосида Ўзбекистон фуқароси Р.Араловга нисбатан ҳам одам савдоси бўйича жиноий иш очилди. Мазкур шахс ватандошларини Москва ва Москва вилоятига қулликка ёллаш ва эксплуатация қилиш билан шуғулланган.
