Ўзбек куч тизимлари ОТМдаги жойларни сотиш билан шуғулланган навбатдаги фирибгар аёлни қўлга олди
Тошкент. 27 октябр. ЎзТАГ – Миллий хавфсизлик хизмати ходимлари томонидан Фарғона вилояти Данғара туманида яшовчи 55 ёшли аёл $10 минг олаётган пайтида далиллар билан бирга ушланди, деб хабар беради Ўзбек телеграф агентлиги (ЎзТАГ).
Яқинда Фарғона вилояти Бағдод тумани Қўштегирмон қишлоғида яшовчи аёл МХХга мурожаат қилиб, Жамила исмли аёл унинг беш танишини Қўқон давлат институти сиртқи бўлимига ўқишга киритиб қўйишга ёрдам учун $10 минг (ҳар бирига $2 мингдан) таклиф этаётганини маълум қилди.
“Бу ариза асосида Миллий хавфсизлик хизмати ва Бош прокуратура Департаменти ходимларидан иборат тезкор гуруҳ тузилди ва аёлни унга пул берилаётган пайтида қўлга олди. Дастлабки тергов чоғида қўлга олинган аёл Тошкент вилоятида туғилган Данғара тумани Жаҳонобод қишлоғида яшовчи 55 ёшли Жангиш Тўраевалиги маълум бўлди”, - деб таъкидланади куч тизими хабарида.
МХХ маълумотига кўра, Ж.Тўраева илгари ҳам 168 (фирибгарлик) ва 273 (сотиш мақсадида гиёҳванд моддалар ёки психотроп воситаларини ноқонуний ишлаб чиқариш, сотиб олиш ва сақлаш) моддалари бўйича жиноий жавобгарликка тортилгани аниқланди.
Бош прокуратура ҳузуридаги солиқ, валюта жиноятлари ва жиноий даромадларни легаллаштириш департаменти томонидан Тўраевага нисбатан Ўзбекистон Жиноят кодексининг 168 моддаси (фирибгарлик) бўйича жиноий иш қўзғатилди.
