Ўзбек курашчиси Париждаги халқаро турнирда олтин медални қўлга киритди
Дата: 09:55, 02-02-2015.
Тошкент. 2 феврал. ЎзТАГ – Ўзбекистонлик курашчи Рашид Қурбонов Париждаги Paris Grand Prix халқаро кураш турнирининг олтин медали соҳиби бўлди, дея хабар беради Ўзбек телеграф агентлиги (ЎзТАГ).
“Ўзбекистон вакили 74 кггача бўлган вазн тоифасида ўтказилган финал баҳсида россиялик спортчи Осман Исаковни 10:2 ҳисобида енгди. Бу Қурбоновнинг янги мавсумдаги биринчи муваффақиятидир”, – деб таъкидлашди Ўзбекистон Спорт кураши ассоциациясида.
Ўтган мавсум якунлари бўйича Қурбонов эркин кураш бўйича Бутунжаҳон кураш бирлашмасининг (UWW) энг яхши курашчилари рейтингида еттинчи ўринни олди.
