Ўзбек курашчиси ўсмирлар ўртасида жаҳон чемпиони бўлди
Тошкент. 28 август. ЎзТАГ - Ўзбек курашчиси Тўрабек Тиркашев юнон-рим кураши бўйича ўсмирлар ўртасида жаҳон чемпиони бўлди, деб хабар қилади Ўзбек телеграф агентлиги (ЎзТАГ).
Бу Сараево шаҳрида (Босния ва Герцеговина) спорт курашлари бўйича ўсмирлар ўртасида ўтказилаётган жаҳон чемпионатида содир бўлди. Ўзбекистонлик курашчи 46 кггача вазн тоифасида биринчиликни олди.
“Саралаш баҳсларида Айстис Лаугминас (Литва) ҳамда Султан Олжасни (Қозоғистон) мағлуб этган Тўрабек Тиркашев ярим финалда Каито Инабани (Япония), финалда эса Керем Камолни (Туркия) енгди”, - дейилади Ўзбекистон Миллий олимпиа қўмитаси хабарида.
Эслатиб ўтамизки, Тўрабек Тиркашев жорий йилнинг 11-14 июнида Ҳиндистонда ўсмирлар ўртасида бўлиб ўтган Осиё чемпионатида бронза медалини ютиб олган эди.
Яна бир ўзбек курашчиси Абубакр Алимов 69 кггача вазн тоифасида бешинчи ўринни олди.
