Ўзбек махсус хизматлари экстремистлар гуруҳи фаолиятига чек қўйдилар
Тошкент. 12 октябр. ЎзТАГ – Ўзбекистон Миллий хавфсизлик хизмати ходимлари Хоразм вилоятининг Гурлан туманида яшовчи кишилардан ташкил топган экстремистлар гуруҳини фош этдилар. Улар Россия Федерациясининг Краснодар шаҳрида “Жиҳодчилик” диний экстремик оқими тарафдорлари ячейкасини ташкил этишган, деб хабар беради Ўзбек телеграф агентлиги (ЎзТАГ).
Бошланғич терговда маълум бўлишича, Хоразм вилоятининг Гурлан туманида яшовчи 34 ёшли Олимжон Ҳасанов 30 ёшли шериги Мақсад Матёқубов билан Краснодар шаҳрида ишлаб юрган пайтида тил бириктирган ҳолда “Жиҳодчилик” диний экстремик оқими тарафдорлари гуруҳини шакллантиришган.
“Ушбу гуруҳга Гурлан туманидадан бўлган 34 ёшли Ғайрат Ёкубов, 28 ёшли Ўткир Матёқубов, 23 ёшли Азамат Пўлатов, 31 ёшли Мурот Аширов, 31 ёшли Жўрабек Қурбанов, 34 ёшли Даврон Маткаримов, 27 ёшли Икром Йўлдошев, 22 ёшли Санжар Собиров ва 30 ёшли Қувонч Мадаминовларни жалб қилишган”, -деб таъкидланади куч тизимлари хабарида.
Жиноий ҳамжамият етакчилари бўлган О.Ҳасанов ва М.Матёқубов доимий равишда ҳамфикрларининг йиғинларини ўтказиб теришган ва уларда ИД Суриядаги жанговар ҳаракатларига доир видеороликларни намойиш этишган, “жиҳод”га боришга чақиришган.
Натижада “Жиҳодчилик”нинг краснодар ячейкаси аъзолари нафақат “жиҳод”га бориш ғоясини тўлиқ қўллаб-қувватлаганлар, балки ҳар ой Суриядаги ҳамфикрларига молиявий кўмак бериш учун ҳар ой 2-3 минг россия рублидан йиғиб боришган.
Тергов тўпланган материаллар асосида Гурлан туманида яшовчи юқоридаги шахсларнинг экстремистик фаолиятга алоқадорлигини тўлиқ исботлади. Жиноят ишлари бўйича Гурлан туман суди Ғ.Ёқубов, Ў.Матёқубов, А.Пўлатов, Д.Маткаримовларни 8 йил 6 ойга, И.Йўлдошевни 6 йил 6 ойга, С.Собиров ва Қ.Мадаминовларни 5 йилга озодликдан маҳрум қилди.
О.Ҳасанов, М.Матёқубов, М.Аширов ва Ж.Қурбановлар Туркия орқали Сурияга ИД тарафида жанговар ҳаракатларда қатнашиш учун чиқиб кетганлигини ҳисобга олган ҳолда суд ушбу шахсларга сиртдан ҳукм ўқиди ва уларни қидирувга терди.
