Ўзбек миллий алоқа оператори Huawei Technologies ускуналарида ишлайди

Тошкент. 10 ноябр. ЎзТАГ – “Узмобайл” (“Ўзбектелеком” АК филиали) ўзбек миллий мобиль алоқа оператори хитойнинг Huawei Technologies компанияси ускуналарида ишлайди, дея хабар беради Ўзбек телеграф агентлиги (ЎзТАГ).

2014 йилнинг февралида ташкил этилган миллий оператор хитойликлардан GSM стандартидаги мобиль тармоқни қуриш учун қиймати $117,6 млнлик телекоммуникация ускуналари олади. Компания 8 млн. рақамга хизмат кўрсаувчи 3,9 минг базавий станция ва 4 минг комплект радиореле ускуналари ўрнатиш ниятида.

Шартнома харажатлари эса Хитой Давлат тараққиёт банкининг $100 млнлик ва “Алоқабанк”нинг $17,6 млнлик кредитлари ҳисобига қопланади. Хитой банкининг кредити 9 йилга 6 ойлик ЛИБОР +3,9% ставкаси бўйича 3 йиллик имтиёзли муддат билан берилган.

Миллий алоқа операторини ташкил қилиш лойиҳасининг умумий қиймати $500 млнга тенг.