Ўзбек модалар уйи Туркиядаги намойишда ўз маҳсулотларини тақдим этди
Тошкент. 26 май. ЎзТАГ – LALI Тошкент модалар уйи Ўзбекистонни Туркиянинг Анқара ва Эскишаҳар шаҳарларидан бўлиб ўтган “Kadin ve Moda” номли намойишда тақдим этди, дея хабар беради Ўзбек телеграф агентлиги (ЎзТАГ).
Намойиш республиканинг замонавий ҳаётига қиёсан тайёрланди. Ўзбекистон байроғи фонида подиумга дизайнер LALI томонидан тикилган миллий либослар кийган моделлар чиқишди. Фируза-кўк гаммада ишланиб, келинчакнинг анъанавий кийимлари сирасига кирувчи “Сарпо” туркумидаги ўзбек келини миллий либоси кўпчиликнинг эътиборига сазовор бўлди. Ушбу либос шойидан тикилган узун кўйлак, мўйна ва кашта билан безалган барқут нимчадан иборат эди” – деб қайд этди пойтахт модалар уйи вакили.
Намойишда қатнашган ҳар бир кийим модели дизайнерлик услубида тикилган анъанавий дўппи билан тўлдирилди. Шунингдек, томошабинлар оқ рангдаги “Пилла” номли келин кўйлагини ҳам яхши баҳоладилар. Ушбу либос капалаклар ва тут барглари шаклидаги кашталар билан безатилган бўлиб, ушбу безаклар пилладан чиқаётган капалак каби бўлган ёш келинчак рамзини акс этирди.
