Ўзбек мутахассислари герпесга қарши воситани таклиф қилдилар
Тошкент. 22 октябр. ЎзТАГ – Мирзо Улуғбек номидаги Ўзбекистон миллий университети олимлари герпесга қарши восита ва унинг олиниш усулини таклиф этдилар, деб хабар беради Ўзбек телеграф агентлиги (ЎзТАГ).
Ўзбекистон Интеллектуал мулк агентлигидан маълум қилишларича, янги таклиф этилган усулда полифеноллар кимёсида фойдаланилади ҳамда айнан герпесга қарши воситани яратишда фойдаланиш учун мўлжалланган.
Унинг вазифаси герпесга қарши терапияда фойдаланиладиган барқарор шакли, содда, ишлов беришга қулай усули сабабли оширилган терапевтик фаолликка ва тезлаштирилган репаратив таъсирга эга бўлган воситани олишдан иборат.
Эслатиб ўтамизки, герпесга қарши воситалар герпес касаллигини даволашда ишлатилади. Бу хасталик тери ва сўлакли қопламаларда пайдо бўладиган ўзгаришлар билан характерланади. Ушбу касаллик совуғи ошиш, организм қаршилигининг пасайиши натижасида ривожланади.
