Ўзбек найза улоқтирувчиси Эстониядаги турнирда “кумуш” медал олди
Дата: 19:34, 18-06-2014.
Тошкент. 18 июн. ЎзТАГ – Енгил атлетика бўйича Ўзбекистон терма жамоаси аъзоси Иван Зайцев Эстониянинг Тарту шаҳрида ушбу спорт тури бўйича ўтказилган анъанавий халқаро турнирда кумуш медал совриндори бўлди, дея хабар беради Ўзбек телеграф агентлиги (ЎзТАГ).
Ўзбекистон миллий олимпиа қўмитасидан хабар қилишларича, Иван Зайцев 81,84 метр натижа қайд этиб, жаҳон чемпионати совриндори Дмитрий Тарабиндан (83,56 метр) кейин иккинчи ўринни эгаллади. Мусобақанинг бронза медали украиналик Александр Ничипорчукка насиб этди (81,22 метр).
Эслатиб ўтамизки, енгил атлетика бўйича анъанавий Густав Суле Мемориали турнири эстониянинг Тарту шаҳрида бу йил 50-маротаба ўтказилди.
