Ўзбек олимлари кийимнинг чидамлилигини оширишнинг янги йўлини ўйлаб топдилар
Дата: 16:03, 08-09-2014.
Тошкент. 8 сентябр. ЎзТАГ – Ўзбек олимлари кийим-кечакларнинг чидамлилигини оширишнинг янги йўлини ўйлаб топдилар, дея хабар беради Ўзбек телеграф агентлиги (ЎзТАГ).
Мамлакат Интеллектуал мулк агентлиги сайтида хабар қилинишича, Тошкент Текстиль ва енгил саноат институти мутахассислари томонидан тикилаётган кийим деталларига полимер композицияларни суртиш қурилмаси яратилди.
Хусусан, ушбу қурилма корпус, сингдириш ваннаси, ғовак материал билан қопланган ўзаро айланаётган роликлардан ташкил топган. Кийимларга ушбу қурилма ёрдамида ишлов бериш натижасида силжийдиган тузилмали газламалардан тикиладиган тўқувчилик маҳсулотларида ип бирикмаларининг мустаҳкамлиги ошади, дейилади агентликнинг юқоридаги кашфиётга доир хабарида.
