Ўзбек олимлари космонавтика учун шатакли учиш қурилмасини яратдилар
Тошкент. 1 август. ЎзТАГ – Ўзбек олимлари космонавтика учун шакатли учиш қурилмасини яратдилар, дея хабар беради Ўзбек телеграф агентлиги (ЎзТАГ).
Бу тўғрисидаги маълумот Ўзбекистон Республикаси Интелектуал мулк агентлигининг сайтида жойлаштирилган.
Бу ерда қайд этилишича, “қурилма космонавтика, хусусан, космик кемаларни ер яқинидаги орбитага чиқариш учун тайёрлашда муҳим аҳамиятга эга”.
Шатакли учиш қурилмаси - космик техникага оид турли янги тизимларни ер яқинидаги орбитага чиқариш учун мўлжалланган бўлиб, кўп марта фойдаланиладиган ўзгарувчан геометрияли учувчисиз учадиган аэрокосмик қурилмадан иборат. Бунинг натижасида учиш траэкториясида кўп марта фойдаланиладиган ракеталарни ишлаб чиқиш йўлга қўйилади. Улар ҳозирда бир марта ишлатилиб, сўнг чиқинди металл парчалари сифатида ташлаб юбориладиган ракеталар ўрнига тайёрланади.
Ўзбекистонлик мутахассислар шатакли учиш қурилмасига оид ихтиросига патент олиш учун талабнома топширилган. Лекин айнан қандай олимлар талабнома топширгани аниқлаштирилмаган.
