Ўзбек олимлари кремний карбидига ишлов бериш усулини ихтиро қилдилар
Тошкент. 29 октябр. ЎзТАГ – Ўзбекистон Республикаси Фанлар академияси С.А. Азимов номидаги "Физика-Қуёш" илмий ишлаб-чиқариш бирлашмасининг Физика-техника институти олимлари кремний карбидига ишлов бериш усулини ихтиро қилдилар, деб хабар беради Ўзбек телеграф агентлиги (ЎзТАГ) Интеллектуал мулк агентлиги сайтидаги маълумотга асосланган ҳолда.
“Ушбу усул яримўтказгичли материалларга кимёвий ишлов бериш, кремний карбиди монокристаллари асосидаги прибор структураларини ва унинг турли тагликлардаги монокристалл плёнкаларини тайёрлашда фойдаланиш учун мўлжалланган”, - дейилади хабарда.
Маълумотда айтилишиича, “Унинг вазифаси кремний карбидининг юзасига селектив ишлов бериш имконияти яратилган ҳолда нуқсонлари кам тўпланган ойнадек силлиқ юзага эга бўлиш имконини берадиган юзага ишлов беришнинг паст температурали кимёвий усулини яратишдан иборат”.
