Ўзбек олимлари куч кабелини улашнинг ишончли усулини ўйлаб топдилар
Тошкент. 22 май. ЎзТАГ - Ўзбек олимлари куч кабелини улашнинг ишончли усулини ўйлаб топдилар, деб хабар беради Ўзбек телеграф агентлиги (ЎзТАГ) Интеллектуал мулк агентлиги сайтидаги маълумотга асоланган ҳолда.
Ишланма муаллифлари Абу Райҳон Беруний номидаги Тошкент давлат техника университети олимлари бўлдилар. Ишланма куч кабелларини улаш муфтаси деб аталиб, электротехникада фойдаланилади. Унинг асосий вазифаси куч кабеллари учун термокиришадиган матриаллардан ясалган улуш муфтасининг электрик мустаҳкамлиги ва эксплуатацион ишончилилигини оширишдан иборат.
Ишланманинг ўзига келсак, у муфта таркибига учларида ички томондан роликли пружиналар жойлашган термокиришадиган ташқи ҳимоя найчаси ва орасида ерга улаш сими ўрнатилган тўғри ва тескари ўрамли маҳкамловчи экранлардан ташкил топган.
Тўғри ва тескари ўрамли экранлар остида кабелнинг металл қобиғи билан бириккан гофреланган металл қирғич жойлашган. Роликли пружина ва гофреланган металл қирғич орасидаги ҳаво бўшлиғига ток ўтказувчи композисион материал киритилган. Термокиришадиган ҳимоя найчаси билан кабелларнинг ташқи қоплови юзаси бирикиб келган ерда термокиришадиган найчалардан ясалган силфонлар ўрнатилган.
