Ўзбек олимлари объектлар тасвирини идентификация қилиш учун дастур ишлаб чиқдилар
Тошкент. 22 феврал. ЎзТАГ – Тошкент ахборот технологиялари университети дастурчилари объектлар тасвирини идентификациялаш учун дастур - UZни ишлаб чиқдилар, деб хабар беради Ўзбек телеграф агентлиги (ЎзТАГ).
Интеллектуал мулк агентлигидан маълум қилишларича, дастур солиштирилаётган объектлар тасвирини таниб олиш ва уларнинг ўхшашлигини аниқлаш учун мўлжалланган бўлиб ИИВ ва махсус олий ўқув муассасаларида қўлланилади.
“Дастурнинг маълумотлар базасидан тасвирнинг идентификация белгиларини аниқлаш, уларни кузатилаётган объект билан солиштиришни ва ўхшашлигини аниқлаш, тасвир ичидаги объектнинг идентификация белгиларини таниб олиш ҳамда хатто бир нуқтани аниқлаш йўли билан топишдан иборат. Шунингдек, узатилаётган объект билан солиштириш ва ўхшашлигини аниқлаш. Тасвир ўхшашлигини аниқлаш эҳтимоли - 100%, объектдаги берилган аниқ белгиларни ва тасвирларни солиштиришни нормаллаштириш каби функционал имкониятлари мавжуд”, - деб таъкидланади хабарда.
