Ўзбек олимлари оптимал ротацион ер юмшатгични ихтиро қилдилар
Дата: 16:22, 29-05-2014.
Тошкент. 29 май. ЎзТАГ – Ўзбекистон қишлоқ хўжалигини механизациялаш ва электрлаштириш илмий-тадқиқот институти мутахассислари тупроққа ишлов берувчи ротацион юмшатгични такомиллаштиришга оид фойдали модел ишлаб чиқишди, дея хабар беради Ўзбек телеграф агентлиги (ЎзТАГ).
Бу ҳақидаги маълумот Ўзбекистон Республикаси Интеллектуал мулк агентлигининг расмий сайтида жойлаштирилган.
Ушбу модел қишлоқ хўжалик машинасозлигида фойдаланилади. Ускуна кесилган конуслар кўринишидаги иккита ғалтакмоладан иборат. Унинг катта асослари иккита тўғин кўринишидаги ўқда ўрнатилган. Моделнинг амалиётга жорий қилиниши натижасида тяга қаршилиги ва энергия сарфи анча камаяди.
Муаллифлар коллективи ушбу фойдали моделга тегишли давлат патенти ҳам олдилар.
