Ўзбек олий ўқув муассасалари дунёнинг энг яхши университетлари рейтингига кирмадилар

Тошкент. 18 декабр. ЎзТАГ – Ўзбек олий ўқув муассасалари дунёнинг энг яхши университетлари рейтингига кирмадилар, дея хабар беради Ўзбек телеграф агентлиги (ЎзТАГ).

Мазкур рейтинг “Гуманитар технологиялар маркази” ахборот таҳлилий агентлиги (Россия) сайтида эълон қилинган.

Рейтингнинг биринчи ўнталигида америка ва британ университетлари бўлиб, улар орасида Калифорния технологик университети (АҚШ), Гарвард (АҚШ), Оксфорд (Буюк Британия) университетлари ва бошқалар бор.

Шунингдек, рейтингга Швейцария, Канада, Япония, Сингапур, Германия, Австралия, Гонконг, Швеция, Хитой ва дунёнинг бошқа мамлакатлари олий ўқув муассасалари кирган. Жаҳонинг 200 энг яхши университетлари сирасига МДҲ мамлакатларидан фақат М.В.Ломоносов номидаги Москва Давлат университети кирди (196-ўрин).

Эслатиб ўтакизки, Times Higher Education версиясидаги дунёнинг энг яхши университетлари рейтинги таълим ва фан соҳасидаги мувафақиятларга доир олий ўқув муассасалари ўртасидаги энг нуфузли рейтингдир. У британиянинг Quacquarelli Symonds (QS) консалтинг компанияси услуби асосида ҳисобланади. Ушбу рейтинг 2004 йилда Quacquarelli Symonds томонидан англиянинг Times Higher Education нашри билан биргаликда ишлаб чиқилган.