Ўзбек парламентининг қуйи палатасида ҳудудий субвенциялар муаммосини муҳокама қилинди
Тошкент. 12 сентябр. ЎзТАГ – Депутатлар ўзбек парламенти қуйи палатасининг 11 сентябрдаги навбатдаги мажлисида Давлат бюджетининг ва давлат мақсадли жамғармалари бюджетларининг жорий йил I ярим йиллигидаги ижроси якунларини кўриб чиқдилар, ҳудудий субвенциялар муаммосини муҳокама қилдилар, деб хабар беради Ўзбек телеграф агентлиги (ЎзТАГ).
“Жадал ижтимоий-иқтисодий ривожлантиришга доир минтақавий дастурларни, айниқса, саноат ва хизматлар кўрсатишни ривожлантириш соҳасидаги дастурларни амалга ошириш орқали туманлар ва шаҳарларнинг субвенцияларга боғлиқлигини қисқартиришга етарли даражада эътибор қаратилмаяпти. Чунончи, ҳисобот даврида саноат соҳасида микрофирмаларга ва кичик корхоналарга имтиёзлар бериш ҳисобига Қорақалпоғистон Республикасининг атига 9 та тумани ҳамда Хоразм вилоятининг 7 та тумани, шунингдек, 27 та туман ва шаҳар субвенциядан чиқарилди. Шу билан бир вақтда 73 та туман ҳанузгача субвенция ҳолатида қолмоқда”, - дейилади ўзбек парламенти Ахборот хизматининг хабарида.
Умуман олганда, мажлис якунларига кўра, Давлат бюджетининг ва давлат мақсадли жамғармалари бюджетларининг 2017 йил биринчи ярим йиллигидаги ижроси тўғрисидаги ҳисоботни тасдиқлаш ҳақида қарор қабул қилинди.
