Ўзбек Selfie суратлар ишқибозлари ўртасида конкурс эълон қилинди
Тошкент. 9 октябр. ЎзТАГ – Ўзбек Selfie суратлар ишқибозлари ўртасида конкурс эълон қилинди, дея хабар беради Ўзбек телеграф агентлиги (ЎзТАГ).
Танлов ташкилотчиси “Beeline” алоқа оператори (Unitel МЧЖ и Buzton ҚК) ҳисобланади.
Компаниядан хабар беришларича, танлов “Даракчи плюс” ҳафтаномаси билан биргаликда ўтказилмоқда.
Конкурс шартларига кўра, ҳар ҳафта танлов иштирокчилари газетанинг янги сони билан бирга ғайриоддий Selfie сурат тушишлари лозим. Ушбу суратни Beeline Uzbekistanнинг Одноклассникидаги расмий саҳифасига жойлаштириб, энг кўп овоз олиш зарур. Ҳар ҳафта қайта Selfie олиш қатнашчилар имкониятларини сезиларли даражада оширади. Етакчилар суратлари ҳар ҳафта “Даракчи плюс” саҳифаларида берилиб борилади. Охирида ҳафталик якунлари ҳисобланади.
Энг кўп овоз олган Selfie эгасига LCD-телевизор совға қилинади.
Конкурс 2015 йил 9 январгача давом этади.
