Ўзбек сенаторлари икки қонунни маъқулладилар
Тошкент. 14 ноябр. ЎзТАГ – Сенатнинг куни кеча бўлиб ўтган ўн олтинчи пленар йиғилиш давомида сенаторлар икки қонунни маъқулладилар. Булар “Жисмоний ва юридик шахсларнинг мурожаатлари тўғрисида”ги ва “Инвестиция фаолияти тўғрисида”ги қонунлардир, дея хабар қилади Ўзбек телеграф агентлиги (ЎзТАГ).
Сенаторларнинг фикрига кўра, янги “Жисмоний ва юридик шахсларнинг мурожаатлари тўғрисида”ги қонун жисмоний ва юридик шахсларнинг мурожаатларини кўриб чиқишнинг ташкилий-ҳуқуқий асосларини янада такомиллаштиришга, фуқароларнинг ҳуқуқ ва эркинликлари, юридик шахсларнинг қонуний манфаатлари ҳимоя қилинишининг қўшимча кафолатларини таъминлаб беришга қаратилган. “Инвестиция фаолияти тўғрисида”ги қонуннинг асосий қоидалари хўжалик юритувчи субъектлар ва аҳолининг инвестиция жараёнидаги иштирокини янада кенгайтиришга, ишлаб чиқаришни модернизациялаш, техник ва технологик жиҳатдан қайта жиҳозлашга инвестицияларни амалга ошириш учун қўшимча рағбатлантириш чоралари ва шарт-шароитларини яратишга йўналтирилган.
Шу билан сенатнинг биринчи иш куни якунланди.
