Ўзбек ўсмирлари таэквондо бўйича “Turkish Open-2016”да 3 соврин эгаларига айландилар
Дата: 15:12, 17-02-2016.
Тошкент. 17 феврал. ЎзТАГ – Ўзбекистонлик ёш таэквондочилар Анталияда ўтказилган “Turkish Open-2016” халқаро турнирида 3 соврин эгаларига айландилар, деб хабар беради Ўзбек телеграф агентлиги (ЎзТАГ).
Ўзбекистон Таэквондо уюшмасидан маълум қилишларича, Мадина Маннопова ва Светлана Осипова мусобақанинг кумуш совриндорлари бўлдилар.
Яна бир Ўзбекистон вакиласи – Чарос Каримова бронза медалини қўлга киритди.
Эслатиб ўтамизки, катталар ўртасидаги мусобақада Ўзбекистонлик таэквондочилар беш медал, жумладан, бир олтин, икки кумуш ва икки бронза совринларни олдилар.
