Ўзбек суғуртачиси кичик бизнесга деярли 973,6 трлн сўмлик хизматлар кўрсатди
Тошкент. 16 июл. ЎзТАГ – “Кафолат” суғурта компанияси 2015 йилнинг 6 ойида кичик бизнес ва хусусий тадбиркорлик субъектларига 973,6 трлн. сўм суғурта хизматлари кўрсатди, деб хабар беради Ўзбек телеграф агентлиги (ЎзТАГ).
Компаниядан хабар қилишларича, ҳисобот даврида кичик бизнес ва хусусий тадбиркорлик субъектларини суғурталаш бўйича 27,2 минг суғурта шартномалари имзоланиб, бу орқали 3,4 млрд. сўмдан ортиқ суғурта мукофотлари йиғилди (+31,6%).
Бундан ташқари, кичик бизнес ва хусусий тадбиркорлик субъектларига 271,1 млн. сўм суғурта қопламалари тўлаб берилди.
Эслатиб ўтамизки, 6 июлда компания номи “Кафолат суғурта компаняяияси АЖ”га ўзгаргани муносабати билан молия вазирлигидан янги лицензия олди.
Маълумот ўрнида, 2014 йилда “Кафолат” компанияси томонидан 579,1 минг атрофида суғурта шартномалари тузилиб (+35,3%), бу орқали 42,1 млрд сўм суғурта мукофотлари йиғилди.
