Ўзбек таэквондочиси Кванжудаги универсиада “олтин”ини олди
Дата: 16:51, 13-07-2015.
Тошкент. 13 июл. ЎзТАГ – Таэквондо бўйича Ўзбекистон термаси аъзоси Дмитрий Шокин Кванжудаги (Корея Республикаси) 2015 йилги Бутунжаҳон Универсиадасининг олтин медали совриндори бўлди, деб хабар беради Ўзбек телеграф агентлиги (ЎзТАГ).
Миллий олипиа қўмитасидан хабар қилишларича, ушбу соврин Ўзбекистон миллий термаси ҳисобидаги биринчи олтин медал бўлди.
Дастлаб Дмитрий Шокин испаниялик Эстебан Кабо, туркиялик спортчи Каан Киличларни енгиб, яримфиналда эронлик Мехрана Аскарни мағлуб этди. Финалда эса Дмитрий Шокин кореялик Ен Кун Паркни 2:1 ҳисобида енгди.
