Ўзбек таэквондочиси жаҳон чемпионатининг “бронза”сини қўлга киритди
Дата: 17:52, 30-06-2017.
Ташкент. 30 июн. ЎзТАГ – Ўзбекистонлик таэквондочи қиз Динара Мамадибрагимова Муджу шаҳрида бўлиб ўтаётган жаҳон чемпионатининг “бронза”сини қўлга киритди, деб хабар беради Ўзбек телеграф агентлиги (ЎзТАГ).
Ўзбекистон Таэквондо федерацияси маълумотларига кўра, Д.Мамадибрагимова 53 кггача вазн тоифасида қатнашган. Яримфиналда унинг рақибаси туркиялик спортчи қиз Зелиха Агриш бўлди. Натижада ўзбекистонлик таэквондочи қиз жаҳон чемпионатининг “бронза”сини қўлга киритишга муваффақ бўлди.
Таэквондо бўйича жаҳон чемпионати 24 июн-30 июн кунлари Корея Республикасининг Муджу шаҳрида бўлиб ўтмоқда.
