Ўзбек темирйўлчилари 2016 йилнинг 1 апрелига Қамчиқ довони остидан туннел қазишни якунлайдилар

Тошкент. 27 июл. ЎзТАГ – 2016 йилнинг 1 апрелига бориб ўзбек темирйўлчилари Қамчиқ довони остидан туннел қазишни якунлашни режалаштирмоқдалар, деб хабар беради Ўзбек телеграф агентлиги (ЎзТАГ).

“Узунлиги 19,1 км бўлган туннель денгиз сатҳидан 2200 метр баландликда “Ангрен-Поп” электрлашган янги темир йўлмагистрали қурилиши доирасида барпо этилмоқда. 2013 йилда ўзбек томони хитойнинг “China Railway Tunnel Group” компанияси билан туннел қуриш ҳақида қиймати $455 млнлик шартнома имзолаган эди”, – деб таъкидлашди “Ўзбекистон темир йўллари” ДАК матбуот хизматида.

Объект қурилишида 42,9 млн куб м ер қазиш ва 16,3 млн куб м бурғулаш-портлатиш ишлари бажарилди. Янги темир йўлмагистрали қурилиши доирасида жами 285 сув қувурлари ва 6 йўл ўтиш иншоотлари, 13 кўприк барпо этилди.

Туннел ва “Ангрен–Поп” электрлашган янги темир йўлини 2016 йил сентябрда эксплуатацияга топшириш режалаштирилган.