Ўзбек теннисчи қизи Фарғонадаги халқаро турнирнинг етакчиси бўлди
Дата: 08:24, 28-06-2017.
Тошкент. 28 июн. ЎзТАГ – Фарғонада теннис бўйича халқаро турнирнинг финал баҳси бўлиб ўтди, деб хабар беради Ўзбек телеграф агентлиги (ЎзТАГ).
Теннис федерацияси маълумотларига кўра, финалда ўзбекистонлик теннисчи қиз Сабина Шарипова россиялик Елена Рибаковага қарши тушди. Баҳс 1 соат 37 дақиқа давом этиб, унда Ўзбекистоннинг биринчи ракеткаси С.Шарипова 6:4, 7:6 (5) ҳисобларида ғолиб чиқди.
Е.Рибакова жаҳон рейтингида 539 поғонани, Сабина Шарипова 156 ўринни эгаллаган.
Ўзбекистоннинг биринчи ракеткаси яккалик баҳсларида 1-, жуфтликда 2-ўринларни эгаллади.
