Ўзбек теннисчиси Australian Open ўсмирлар турнирининг ярим финалига чиқди
Дата: 16:15, 28-01-2016.
Тошкент. 28 январ. ЎзТАГ – Ўзбекистонлик теннисчи Жўрабек Каримов Australian Open 2016 ўсмирлар турнирининг ярим финалига чиқди. Ушбу мусобақа “Катта дубулға” сериясига киради, деб хабар беради Ўзбек телеграф агентлиги (ЎзТАГ).
Теннис федерациясидан хабар қилишларича, иккинчи доирада Каримов гонконглик Энтони Тангни 6:4, 6:4 ҳисобида, учинчи доирада Корея Республикаси вакили Чан Охани (6:4, 6:2), чорак финалда япониялик Есуке Ватанукини 6:3, 6:2 ҳисобида енгди.
Ярим финала Каримов корт мезбони австралиялик Алекс Де Минаур билан майдонга тушади. Ярим финалчиларнинг иккинчи жуфтлигида австралиялик Оливер Андерсон ва кореялик Юн-Сон Чон бор.
