Ўзбек термасида хитойликлар билан ўйиндаги имкониятлар унча ёмон эмас, лекин барчаси “А” гуруҳидаги сўнгги ўйинда ҳал бўлади
Тошкент. 30 август. ЎзТАГ – Тўлқин Ташимов. Ўзбек термасида хитойликлар билан ўйиндаги имкониятлар унча ёмон эмас, лекин барчаси “А” гуруҳидаги Жанубий Кореяга қарши сўнгги ўйинда ҳал бўлади.
Ўзбекистон ва Хитой термалари ўртасида “А” гуруҳидаги Россиядаги 2018 йилги Жаҳон чемпионатига чиқиш учун 9 тур ўйини эртага, 31 август Тошкент вақти билан соат 17.00да Ухань (Хитой) шаҳри стадионида бошланади.
Шу билан бирга, Ўзбекистон термаси фойдасига ўйновчи икки муҳим жиҳат мавжуд.
Шахсий учрашувлардан келиб чиқсак, 2011 йилдан бери жамоалар 5 ўйин ўтказишган. Улардан бирида дуранг қайд этилиб, қолган тўртттаси ҳар жамоа иккитадан ғалабани қўлга киритган. Ҳар икки жамоа битта ўртоқлик ва биттадан расмий ўйинларда ғалаба қилган.
Лекин шахсий ўйинларда ўзбек ишқибозларига маъқул тушадиган бир ҳолат бор: 5 ўйиндан 4таси Хитойда бўлиб ўтган. Шу сабабли ҳам Самвел Бабаян шогирдлари бир оз устунликка эга дейиш мумкин.
Ўзбекистон термаси фойдасига ўйновчи яна бир нарса – бу жамоалар ўйинининг сифатидир. 8 турдан кейин Хитой термаси “А” гуруҳида бир марта ғалаба қозониб, учта дуранг ўйнаган ва тўрт марта мағлуб бўлган. 5 гол урган ва 9 тўп ўтказиб юборган.
Айни пайтда, Ўзбекистон термаси тўрт ўйинни ютган, битта ҳам дуранг ўйнамаган ва тўрт марта мағлуб бўлган. Тўплар нисбати 6га 6.
Хуллас, Ўзбекистон термасининг имкониятлари анча юқори.
Албатта, олдин Ўзбекистон термаси Хитой термасини ютиши ва шундан кейингина Жанубий Кореяга қарши ўз майдонидаги ўйин ҳақида ўйлаши керак.
Маълумки, Жаҳон чемпионатига саралаш қоидаларига кўра, ҳар гуруҳдаги (А ва В гуруҳлари) икки энг яхши осиёлик жамоалар Россияга тўғридан-тўғри йўлланма оладилар. Учинчи ўринни олган термалар эса халқаро оралиқ ўйинларда қатнашиш ҳуқуқини оладилар.
Шуни ҳам унутмаслик керакки, ЖЧ-2018нинг бир йўлланмаси Эроннинг қўлида. Ушбу жамоа 20 очко билан гуруҳда биринчи ўринни эгаллаган.
Иккинчи йўлланмани эса 5 сентябрда Тошкентда Ўзбекистон ва Жанубий Корея термаларидан бири қўлга киритади.
