Ўзбек цемент ишлаб чиқарувчисининг соф фойдаси 3-чоракда деярли 30% кўпайди

Тошкент. 26 ноябр. ЎзТАГ – 2014 йилнинг учинчи чорагида “Оҳангаронцемент” АЖ 124,15 млрд сўм миқдорда соф фойда олди, бу 2013 йилнинг муқобил давридагига солиштирганда 29,5% кўпдир, деб хабар беради Ўзбек телеграф агентлиги (ЎзТАГ) компаниянинг яқинда эълон қилинган молия ҳисоботига асосланган ҳолда.

Шу билан бирга, компаниянинг маҳсулот реализациясидан тушган соф тушуми миқдори 382,6 млрд сўмни (+21,3%), ялпи фойдаси 247,8 млрд сўмни (+28,5%) ташкил этди.

Муддат сўнгига келиб цемент ишлаб чиқарувчининг низом капитали миқдори 4,93 млрд сўмни ташкил қилган.

Эслатиб ўтамизки, “Оҳангаронцемент” ОАЖ – Ўзбекистондаги энг йирик цемент ишлаб чиқарувчи бўлиб, ички бозорнинг учдан бир қисмига эгалик қилади. Корхона қуввати йилига 1,986 млн тонна цемент ишлаб чиқаришга етади. Компания EUROCEMENT Holding Agга тегишли бўлиб, у корхона акцияларининг 83,98% эга.

$1 = 2401,09 сўм