Ўзбек туркомпаниялари Францияга семинарга таклиф этилди
Тошкент. 7 июн. ЎзТАГ – “Ўзбектуризм” миллий компанияси туристик бизнес вакилларини париж семинарида қатнашиш имконияти ҳақида хабардор қилди, деб хабар беради Ўзбек телеграф агентлиги (ЎзТАГ).
“Туристик ва меҳмонхона бизнесини ташкил қилишда халқаро стандартлар” кўчма семинари Франция пойтахтида 6-9 сентябрда бўлиб ўтади.
Ўзбек компанияларининг семинардаги иштироки Республика илмий-ўқув консалтинг маркази, Ўзбекистон Хусусий туристик ташкилотлари уюшмаси ва Inteconference халқаро компанияси томонидан ташкил этилмоқда.
Тадбирда меҳмонхона эгалари, олий бўғин менежерлари ва қизиққан барча кишилар қатнашишлари мумкин.
Семинарда меҳмонхона саноати корхоналарида корпоратив бошқарувнинг ҳуқуқий жиҳатлари, европа мамлакатларида реклама ва PR-сиёсатининг услублари, француз меҳмонхона бизнеси фаолияти билан танишиш мумкин бўлади.
