Ўзбек ва корейс компаниялари $40,7 млнлик келишувлар имзолашди

Тошкент. 7 март. ЎзТАГ – Ўзбекистон Ташқи иқтисодий алоқалар миллий банки қошидаги Кичик бизнес ва хусусий тадбиркорликни қўллаб қувватлаш жамғармаси ва ўзбек тадбиркорлари корейс компаниялари билан умумий қиймати $40,7 млнлик келишувлар имзолашди, дея хабар бермоқда Ўзбек телеграф агентлиги (ЎзТАГ). Бу Тошкентда бўлиб ўтган бизнес форум доирасида содир бўлди.
Миллий банк сайтида хабар қилинишича, HEUNG GWANG Co.Ltd. корейс компанияси фермер хўжаликларида ишлаб чиқарилаётган қишлоқ хўжалик маҳсулотларини импорт қилиш ҳақида қиймати 1,6 млн. долларлик уч келишув имзолаган.
NBU Investment ва NBU Invest Group компаниялари эса Жанубий Кореянинг DAECHANG BS Co.Ltd. ширкати билан қишлоқ хўжалиги ва текстиль маҳсулотларин экспорт қилишга доир музокаралар ўтказганлар.