Ўзбек ёш футболчилари Беларуслик тенгдошларини икки марта ютдилар

Тошкент. 17 ноябр. ЎзТАГ – Тошкентда Ўзбекистон ва Беларусь ёшлар термалари (U-19) ўртасида икки ўйин бўлиб ўтди, деб хабар беради Ўзбек телеграф агентлиги (ЎзТАГ).

“Жамоаларнинг “Жар” стадионидаги дастлабки учрашувда ўзбекистонликлар 1:0 ҳисобидаги ғалабани қўлга киритган эди. Ўйиндаги ягона гол Шароф Муҳиддинов томонидан киритилди”, - деб таъкидлашди республика Футбол федерацияси матбуот хизматида.

Иккинчи учрашувда Жасур Абдураимов шогирдлари Беларуслик тенгдошлари устидан 3:1 ҳисобида ғалаба қилдилар. Ўзбекистон таркибида голларни Бехзод Ғанижонов, Достон Ибрагимов ва Сухроб Нуруллаевлар киритишди.

Эслатиб ўтамизки, ўртоқлик учрашувлари Ўзбекистон ёшлар термасининг кейинги йилда Баҳрайнда ўтказиладиган Осиё чемпионатига тайёргарлик жараёнида ўтказилди.