Ўзбек журнали илк марта 3D-муқова билан чиқди

Тошкент. 28 март. ЎзТАГ – Ўзбекистонда “Экономическое обозрение” журнали илк маротаба 3D-муқова билан чиқди, деб хабар беради Ўзбек телеграф агентлиги (ЎзТАГ).

“Ўзбекистонда илк матотаба журналнинг 3D-муқоваси тўлдирилган реаллик эффекти (Augmented Reality) орқали чоп этилди. “Экономическое обозрение” журнали янги йўл ҳаракати қоидалари мавзусига мурожаат қилди. Сиз тўлдирилган реаллик эффекти (Augmented Reality) технологиясидан фойдаланган ҳолда Android телефон ёки планшет ёрдамида журнал янги сони муқовасини “жойлантиришингиз” мумкин”, - деб таъкидланади нашр хабарида.

3D-контентни кўриш учун ECOBOZнинг мобил иловасини Play Marketдан юклаб олиш, сўнгра уни очиб, камерани журнал муқовасига йўналтириш зарур бўлади.

Бундан ташқари, ўқувчилар янги муқовага бағишланган конкурсда қатнашиб, журналга бир йиллик обунани ютиб олишлари мумкин.

Эслатиб ўтамизки, “Экономическое обозрение” журнали Ўзбекистон ва Марказий Осиёдаги ишбилармонлик доираларига бағишланган ойлик нашр бўлиб, 1998 йилдан бери чоп этилади.